包經理之午餐🍱
日式炒牛肉、呀媽強逼症蛋卷、腐皮飯卷
昨早有個消息話小學好快轉全日制，令到家長群內家長都好震驚
我第一時間諗：唔好啦！包而家放學沖涼食飯做完功課溫習仲有得玩午睡睇一陣電視！
我覺得小朋友要對學習有興趣一定要有時間玩同休息！好彩最後維持半日咋
第二…就諗起大家，我都未寫齊飯盒食譜......
直頭覺得你個小朋友午餐食乜都係我關心之內😂
病了幾日今日有精神同時間煮包午餐
都好簡單：日式牛肉又快靚正
蛋卷係呀包最憎，整完都係我食之嘛！明明我調味做得好好架
腐皮飯卷 咪即係日式腐皮壽司層皮囉！已經調好味自己塞飯入去(個腐皮已經有味，我無做壽司飯)
#食粥好幾日今日試下食飯先